كل البنات
قضيت ليلي كني على شوك سيالـه
اجـــض وانا اشن في سهيل وثريــا
اطري القمر اللي تمنيت وصـــالــه
قمـــر يسحــر قلبي بجمال الهيـــــه
سعد وسعيد ومسعود من تهيالـــــه
ومسعد من ذاق منه طيب وحنيـــه
وما في اسعد مني لو حصلت لالــه
عنـود أسرع من الريم في البريـــه
يا ناس ودي اكــــون ابهار ادلالــه
او جمــر يدفيه من برد الشتـويــه
يا ناس ودي اكون ثريد في جالــه
يحطني على شفايفه ويبتسم ليــه
ودي يكـون نـــصيبي انعم بدلالــه
وارتوي بشوفه الف مليون ريـــه
ودي يكون حلالي وانا حلالــــــــه
اسعده ويرد لي روحي بعد المنيه
لكن النصيب وقول الخاسي قالـــه
عكر صفو اصفى العيون الرويــه
العوازل فــــزعوا البين ورجالــــه
وصوبونا ببارود عالي دويـــــــه
حسبي الله على كل قول ومن قاله
حسبي الله على النفوس الرديــه
اه لو يعرفــونه ويعرفــون حالـــه
كنا ما شفنــا منهم فحيح الحيــه
ما شفت منه الا المزيونه افعالــه
ارثه طيب واصل من خاله وبيـه
بالله من شافته عيني ما طالــــــه
كيف وهن بالقـاع وهو بالثــريــا
انا ابن جرمي يا الردي جد خالـه
افعالنا عند الموزمــــات قويـــــه
انا ابو راشد اللي الصقور عيالـــه
فزاعيـــن للمنيـــــه دون الدنيـــه
تليق بينا بنات عروقها اصالـــــــه
وما تليق لينا فلاحـــــه ونوريـــه
كل البنات دون اينـــــــــار همالــه
اينــــار هي الاصل الوطن الهويه
كل البنات دون اينـــــــــار همالــه
اريدها مو من قلة بنـــات حواليه
كل البنات دون اينـــــــــار همالــه
هي اللي كفوفهـــــا للخيــر نديــه
يا الله اجعل كل الطيــــــــب فالــــه
واسعد ايامه واجعلـــــها هنيــــه
يا الله ارزقــــه من يليــق بحالـــه
وجنبه تجنيب كل هامل وعنيـــه
بقلم
بدرالدين بن جرمي الترباني
6/2/2015
اينار
يا نار جمرك بقلبي وارع رمــــــاده
وبين الضلوع نار وجمر ولهيــــــب
حبيبي ما اقدر انا على بعـــــــــــاده
فارقني وفرقاه على القلب صعيــــب
في حلم مسكت ايده وكسبــت وداده
قال ماني حلالك وهذا اشد العيـــــب
قال شيطانك راعي هذي العــــــــاده
وانت اتقي رب المشرق والمغيــب
وفراقنا من اليوم ما فيه محـــــــاده
واتقي الله ومالك عندي نصيـــــــب
بكيت والدموع على الخـــــــد وراده
وحزن القلب يجعل الوليد يشيــــــب
مذبوح بعشق ناره بلا اي هـــــواده
نار العشق ذبحت قلبي الصويــــــب
نعيت روحي لروحي والنفس حراده
مت من يوم فراق تاج الرعابيـــــب
من مات ما يضره الذبح في وهــاده
وما تنفعه فزعة وعلاج الطبيــــــب
الله يعلم بخافي قلوب عبـــــــــــــاده
الله يشهد انه اغلى واعز حبيـــــــب
حتى خيالي شافه في احسن وفــاده
والحلم جاني وماني عليه رقيـــــــب
والقلم في يدي جعلت دمي مـــــداده
يشهد لي عند الحبيب راعي الطيــب
يشهد ان عيونه سيف وقلبي غماده
يشهد ان شوقي له عذبني تعذيـــــب
عقبه شفت النهار ليل شديد سـواده
صرت بلا عقل والعقل مني سليـــــب
يا نار عشقته عشق فاق اعتقـــــاده
ضاق به الكون ووسعه قلبي الرحيب
لا تلوموا عشق في قلبي ناره وقاده
فعشقي لاينار خالي العذاريــــــــــــب
شوفوا زينه اللي اعلن انفـــــــــراده
شوفوا خصاله اللي ما مثلها خصيب
يا نار ارع حسنه زاد الحســــن زاده
وهرجه احلى من العسل على الحليب
ياالله ادعوك تجود على بالشهــــــاده
يا واحد يا أحد كن لدعائي مجيــــــب
يا الله اكتب لاينار خير وسعــــــــــاده
وارزقها الولد الصالح النجـــــــــــيب
بقلم
بدر الدين بن جرمي الترباني
في يوم الجمعة الموافق 26 - 10 - 2012
اول ايام عيد الاضحى
===========
يا عين اليوم تشتاقيــــــــــن
يا عين اليوم تشتاقيــــــــــن *** والشوق شن على حرابــة
الشوق هيج دمعك يا عيـــن *** لأي نار وكل القرابــــــــــة
قاعد بالبر ما أدري ويـــــــن *** بحضن طور وناري شبابه
يا أي نار دفاكي حنيـــــــــن *** وزولك معي عز الصحابـة
انا اللحين وحيد مسكيــــــن *** خلي بر ونجوم وسحابــــة
الموت مر ما له بابيــــــــن *** الموت كاس مر شرابـــــــه
والعمر ايام وسنيـــــــــــــن *** معدود عند ربي في حسابه
ان جاني الموت اللحيــــــن *** حيا اللــه باللي جابــــــــه
هذا قدر مكتوب عالجبيــــن *** ماهو وهم بر وسرابــــــه
يا اي نار اخاف البيـــــــــن *** وخوف القلب على احبابه
احبك بقلب وروح وعيـــــن *** والعقل ما فقد صوابـــــــه
اترجاكي لا تزعليــــــــــــن *** من حب ما اعرف اسبابه
أترجاكي لا تنسيــــــــــــــن *** يا أغلى وأعز القرابــــــه
وصل على خاتم المـرسلين *** عدد حبات المطر وسحابه
بقلم
بدرالدين بن جرمي الترباني
في يوم الجمعة 10/2/2012
=======
فقدت الحواس
شــردت عالبر بخمــس فناجيـــــــل *** ودلـه وبـن وقلـب عالمحمـــــــاس
والنجــر سحـن بن وقلب وهيـــــــل *** فطريت حبيـــب عالقلب دعــــــاس
حبيـــب ماله بين البشــر مثيـــــــل *** قلبــه ماهو مثل قلـــوب النـــــــاس
نـــور قلبـه محى ســواد الليــــــل *** وأنا بــدونه فقـــدت الحـــــــــــواس
هرجــه ما يهرجــه الرجــاجيــــــل *** عقود هرجــه حبــــــات المــــــــاس
يا قلب ترجـــف بين المراجيــــــل *** وين تشرد يا قلب من الاحســــاس
مــا تقــدر تعد مـزايا الاصيـــــــــل *** ترى عروق الاصل عنده ســــــاس
أطـــري اللي ما لقيـت له بديـــــــل *** اطراه يا قلب مع هبة كل نسنـــاس
إنســاه يا قلــب قال مستحيـــــــــل *** ولو كنت قتيلــه بين الارمــــــــاس
البارحة فجــــــرت العيون سيـــــل *** وأنا أشهـــق وأكتــم الأنفـــــــــاس
فـــراق النـظر يهون بالحيــــــــــل *** وفراقه أنا ما اقــدر عليه يا نـــاس
حبيبــي اقــرب منه نجم سهيــــــل *** مع إنه معي في كل نفس وهوجاس
يالحبيب شديت لك مراسيــــــــــــل *** شـــديتها مع طير حــر قرنــــــاس
شــديتها لتكون لك أنت دليــــــــــل *** إن حبـــك ماهو وهم ووســـــواس
اعـــذر مـن كان على قلبــك ثقيـــل *** أقبــل منـه حبــه على الــــــــراس
تـــجيك صافيــة بلا أي تجميــــــل *** من قلب فدروب الخيــل نومـــاس
نشــدتك يالحبيــــب بالتهليــــــــــل *** نــشدتك وما كـان لي إلتمـــــــاس
أنا مــــا ودي منــك غير القليــــــل *** ودي أشوفك علم فوق الأطعـــاس
اللحين صـــار البـيـن لي قبيــــــــل *** وفـــزع أرجاله وخيله وجــــــاس
اللحين ارفـــاقي خمــس فناجيـــــل *** هل يسدون عن خمس الحـــواس؟
هللـــت للـــــــه عــــدد المحـاصيـل *** وشــهدت للرسول عدد الأنفــاس
اللهم صل على خير العرب الأصيل *** عـدد ما يعرفه غير رب النـــــاس
بقلم
بدرالدين بن جرمي الترباني
في يوم الاربعاء الموافق 30/5/2012
======
جيش من الجان
أنشدكم عن سفينة مالها ربـــان
والسفينة تبحث عن ربانــــــها
في كل يوم تقـدم ألف قربــــــان
أدعوا الله أن يتقبل قربانــــــها
كان لها قايد في قديم الزمــــــان
كانت قوتها وحيدة زمانــــــــهــــا
واليوم كل زعيم وده يكون ربان
فدنجوا الهامات لعدوانـــــــــــهـــا
فتفرق الدبش بتفرق الرعيــــان
وغرق السفينة بكثرة رعيانــــــها
قيدوا مراجلنا بالف سجــــــــــان
فكيف نشرد من السجون وسجانها
وعزتنا اللي صارت في خبر كان
من يردها يا عربنا لعربانــــــــــها
الأجانيب حكمونا بكل مكـــــــــان
وما حصلت الرجاجيل نسوانــــــها
وبالريموت ساقونا بأمتهــــــــان
وقبلنا على الروح أمتهانــــــــــــها
ونجوح والجوح ما نجى غرقــان
وما شفى غليل الأم وحرمانــــــــها
يا عرب ما ودنا سوبر مــــــــان
ودنا من يرد للسفينة زمانــــــــــها
وما ودنا من معه جيش من الجان
ودنا من يرد للسفينة ربانــــــــــها
وأختم بصلاتي على فخر عدنــان
عدد ما يحصيه جنها وأنسانــــــها
بقلم
بدرالدين بن جرمي الترباني
=====
سجنت دمعتي
سجنت دمعتي
لتكون أنيسي في وحدتي
سجنتها لإنها
أعلم بشــــوقي ولهفتي
دمعتي الغالية
فيها فـرحي وونتي
سجنتها بإرادتي
حتى لا تهتك ستر محبتي
دمعتي تريد البوح
بمكنون شغفي ومودتي
لهذا سجنتها
وسأسجنها داخل مقلتي
ولكن فرت دمعتي
وتحطمت جدران شجاعتي
عندما فقدت أبي
عندها تهـــاوت عزتي
وصرت وحيداً أكابد
أكابد فقدان هويتي
قلت وعزمت
أن أرد للسجن دمعتي
وأن أسجنها وأسجن نفسي
أسجنهما في خلوتي
وجدتها ووجدت من
ردت الحياة لوجنتي
وجدت من وقفت بجانبي
وردت الدمعة لمقلتي
وجدت من ردت كياني
ردته لسعادتي
وردت الحياة لعروقي
فصــارت أمنيتي
أحببتها عشقتها
والدليل دمعتي
التي فرت عندما ذبحت
حبيبتي بقلة حيلتي
ففتحت عيناي فوجدت اني
قتلت نفسي بمديتي
لن أسامح نفسي حبيبتي
ولن ترجع للسجن دمعتي
بقلم
بدرالدين بن جرمي
25-4-2011
=============
النصيب
يا ويل اللي يستحي من جروحه
ويتكدر خاطره من قولة قايل
أسرار قلبه عالعين مفضـوحه
قــراها اللي ما يفتل فتايل
أعشق والعاشق النجوم طموحه
والعفـة تاجه تزين الحمايل
يا ربي أرع قلبي وصدق بوحه
ما بيدي عشق بنت الأصايل
فالحب ماله أسباب مشروحه
والحب يالحبيب ما له دلايل
الحب طير طاير ترتجف جنوحه
إن جاك تشوف من الشوق هوايل
مشاعر على درب الشوق مذبوحة
ذبحها الشوق بمزراق طايل
هل أخطيت بعشق وجوه صبوحه
رايتهم بيضاء بزين الفعايل
لا تزعل فالمحبة بك ممدوحة
وعيني ما شافت لطيبك مثايل
لا تزعل من اللي شافك بروحه
فالروح تشوف حسن الشمايل
والزعل ما شفى قلب من قروحه
والنصيب يا جمع يا فرق قبايل
والقلب ما يرد النصيب بنوحه
ولا يرده دمع من العين سايل
ما ينفع ذيب جريح قوة جوحه
وما تنفعه شدة هموم ثقايل
يارب من يترجاك تكثر ربوحه
اترجاك تسعد بنت الأصايل
والشهادة خلها لبدر طموحه
أكتبها لبدر من عندك جمايل
بقلم
بدرالدين بن جرمي الترباني
في يوم 10/6/2010
========
طلابة القلب
أسوق عليك بدوة يا من تجنـــيـــت
ونلتم وكل واحــــــــد يدفن حصاه
أعدف تعدف ويعدف راعي البيـــت
أخوانك بلسانك زين القضــــــــــاه
يا قاضينا إن حكمت أقول لبـــيــــت
والحق ما يضيع إن كنـــــــا وراه
لميت حراف وأطراف وتخفيـــــــت
صنت الوجه ووجه من رمــــــــاه
قبيلي قلبَ ضلوعي له بيــــــــــــت
قلبي يا قاضي يمرح على هـــــواه
عشق أبنية زينها مثله ما ريـــــت
وعشقه يا قاضي عن البشـر خفاه
قلبي ذاب ذوب بالعشق وما دريت
وروحي صارت تون وتزعق بالآه
فزع قلبي بسلاح الشوق فهجيــت
فزع بالشدة والعدة فمن يقـــــــــــواه
الشوق يا قاضي شتتني تشتيــــت
ببارود معدل ما تحملت صـــــــداه
قلت للشوق أنت بسلاحك شديــت
وصوبتني ببارود بعيد مــــــــــداه
تبسم وقال أنت اللحين أتسبـــيت
أنا الشوق في كل درب تلقــــــــاه
يا قاضينا جاتك حجتي ووفيــــت
عندك ما يضيع حق أنت ترعــــاه
قال القلب يا قاضي لك تعنيـــــت
ومن قصد بابك ما خاب مسعـــــاه
قبيلي وفى من يوم ما شبيــــــت
هو صقر ومن جهل الصقر شـواه
البارحة يا قاضي عشقت وحبيت
والعشق على طرف العين مجــراه
العين شافت وبشوفها هليـــــــت
شافت القمر ونجومه حــــــــــولاه
ذبحني شوق وبالشوق أكتويـت
أه يالقاضي لو شفت سحر عينــاه
حنيت وأشتقت شوق خلاني ونيت
أشتاق إن حضر وإن غاب ما أنساه
وآه وألف آه يالقاضي لو صنيت
لأحلى كلام يخرج من شفتــــــــــاه
لجلست الدهر عنده وما مليــــت
يكفيك در ينهال بين ثنايـــــــــــــاه
قربه وده حبه قلبه تمنيــــــــــت
تمنيت يكون سويدي بسويـــــــداه
يالقاضي بقلبه شعرت وحسيت
دقات قلبه بصدري وروحي فـداه
أبيع روحي له وأقول ما وفيت
أنا اللي بدونه عايف دنيـــــــــــاه
شفت الهنا بدنيتي وأرتويـــت
يوم عرفته فعشت على طريــــاه
يا قاضينا أنا بعشقه أبتليــــت
والدم في عروقي أصبح مســراه
مجبور يالقاضي وما تعنيــــت
والعشق لو بالخاطر لعفناه
يا قاضي بالحجة وفيت وكفيت
وحكمك علينا نقبله ونرضــــــــاه
قال القاضي سمعت وما سهيت
وكل هرج عند راعيه له معنـــــاه
يا ولد لو سكرت عيونك وغضيت
ما جاك العشق وأبتليت بلظــــــاه
ولو ما سمعت الهرج وتسليـت
ما صابك شوق بالبعيد مرمــــــاه
ظلمت قلبك وفي حقه أخطيـت
والعشق والشوق ما أبتغــــــــــاه
يا القلب غزاك العشق وطبيت
وحصن القلب يا قلب حب مــولاه
أراك أخطيت وبالعشق تغنيـت
وحصنك عن العشق يا قلب حب الله
الصلح إلكم غيره ما أرتجيــت
وأصبر عاللي ما تغيب ذكـــــــــراه
وصلوا عالحبيب وأهل البيـت
ضعف عدد غير الله ما يحصــــــاه
بقلم
بدرالدين بن جرمي الترباني
يوم الخميس
الموافق 15/7/2010
==========
رد السلامات
يا زين بعينك رد السلامــــــــات
تكفينا من عيونك إشـــــــــــاره
المحبة بعينك إلها علامـــــــــات
أشعلت قلبي الرهيف بنـــــــــــاره
تبتسم ترد روحي بأبتسامـــــات
تزعل عيني تنذف دموع جـــــــراره
أحبـــــــــك أنت وعنديه دلالات
تجعل عقول العشاق محــــــــــــتاره
الأولة عيون سهامها صايبـــات
صوبت القلب بسهـــــــــــام دواره
الثانية ثغر مـــصفوف بدانـــات
تبرق وضيها تقول إنه مــــــــــــناره
الثالثة هـــرج يرفع الهامـــــات
هرج من عقل وقلب الخير جـــــــــــاره
أحــــــــبك وما أحتاج لدلالات
فالعين عبرت بلا أي عبــــــــــــــاره
بالله أحبك وعانيت آهــــــــــات
وقلبي مجبور مسلوب إختيــــــــــــاره
أبتليت بعشق زينة الزينـــــــات
وخفيت عنها قلبي وأســـــــــــــراره
فأحرقت روحي حروف وكلمات
سجنتها بصدري خلف أســـــــــــواره
فقام الشوق ورفع الرايــــــــات
ولملم جيشه وشن على غـــــــــــــاره
سباني الشوق وونيت ونـــــــات
ودي أشق صدري وأغير مســـــــــــاره
بالله أعشــــــــــق بنت النايفات
عشق يصهر الحديد والحجــــــــــــــاره
يا الله أنت عالم بالهوشـــــــات
هوشات مع قلبي وقلب جــــــــــــــاره
هــوشات المحبة ما هي هينات
جعلت الروح تعيش بتذكـــــــــــــاره
يا الله قدر لنا العاليـــــــــــــات
أنـــــــــت قادر تجعل داري هي داره
بقلم
بدرالدين بن جرمي الترباني
في يوم السبت 29/5/2010
========
الوفا
الوفا عند أهل الوفا تلقاه *** الوفا ترى ماهو علم نتلقاه
الوفا في عروق الأصيل مسراه
يالغالي إن جاك نومك تغاصيب *** وشفت من غدر الناس أعاجيب
إياك تقول إن الوفا وئدناه
يالغالي الوفا مثل اي نار *** نار الوفا تلهب قلوب أحرار
وقلب الحر كجبل عالي سناه
البارحة هزتني قولة قايل *** وقولة الهافي تفرق قبايل
وكل هرج عند راعيه له معناه
والغدر يجي من هفية يا عنية *** والهامل اللي تنقصه تربية
وقيمة الماعون باللي حواه
الدنيا فيها النهار والليل *** حتى السبع نشوف له راس وذيل
وبالغدر نعرف الوفا ومعناه
واللحين صلي على أفضل حبيب *** عدد كل حي من الشرق للمغيب
الحبيب اللي ما وفينا طرياه
بقلم
بدرالدين بن جرمي الترباني
=======
هذه القصيدة مهداة لأخي فرج الله بن جرمي وهو المقصود بابو راشد في القصيدة
شب النار
يا أبو راشد قم شب النــــار *** وخل الظيف يلحق برق سناها
عليك بالبن مع زين البهــــار *** اللي يعبق في الفلا وسماهــا
وخل صفر البكارج للنار جــار *** وبش وحيا الله من حياهـــا
قل يا أبن جـــرمي إش صار *** أصبح غث الدنيا بأعلاهـــا
وخوى الراس سوى علينا حصار *** حتى فنجال قهوة ما براهــا
العقل صار يهوجس وأحتـــار *** من مراجل كل راعي عفــاها
المرجلة أثنتين نشمي له مقـدار *** وذكر يلقح بعيد عن معنــاها
أصبح شيوخنا مالهم أعتبـــار *** ذكور همهم دنيا وغثـــاها
أجتمعوا وخرجوا بألف قـــرار *** شجب ما نجى البلاد من عداها
شيوخ قبايل قصيرين أشبـــار *** أجود من شوف عيونهم عماها
من جروحة ما يستحي كل خوار *** دنيته عبوب أحريم ودفــاها
الدم سايل وما إلنا أختيــــار *** نموت والشيوخ ما نعصـاها
سقونا ذل بكاسات المــــرار *** وغصة الذل للروح منتهاهـا
حطة راس بالبلاد أكبر عـــار *** علوم الذكر يجهل معناهـــا
قال أبو راشد دمع العين فـــار *** أبكي مراجل حنا وئدناهـــا
راعي الحق يدور وين مــا دار *** وراعي العزة بالروح شراهـا
يا بدر ربك لكل عصر أختـــار *** أختار ربك للجنة من لباهــا
أبو راشد العين تنقح شـــرار *** والقلب جمرة أحس بلظاهــا
الصبر عالجوع شيمة أحـــرار *** والصبر عالذل ما نقواهـــا
نصبر عالألم وجمر النـــــار *** والدنية الخاسي من جاهــا
ألوم شيخ له عزوة وأعتبــــار*** له قبيلة قوية تكسر عداهــا
قام وأخذ له الدنية مســـــار *** وخاف المنية وخاف طرياهـا
واللحين من هو راعي القرار *** هل هو عاشق الدنيا وصباها
أختم بأستغاثة إله جبــــــار *** أن يحرر أنفسنا من عداهــا
بقلم
بدرالدين بن جرمي الترباني
في يوم الأحد الموافق 18/1/2008
============
أشري غلاه
مشتـاق لـلـي يسـعـد القـلـب طـاريـه
لعيونـه أبيـع روحـي وأشـري غـلاه
هـذا كيانـي مـن كـل صـوب يجـيـه
مـا خـاب بصافـي القلـب مــن جــاه
أعشقه عشـق والنـاس تلـوم عشقيـه
قالوا كيف تعشق اللي غـاب صـداه
قلـت يـا هالربـع كيـف أبــدل حبـيـه
للي في كل طرفـة مـن عينـي ألقـاه
أجوح جوحة الذيب إن غـاب عنيـه
وون ونــات وقلـبـي يـزعـق بـــالأه
لـو جابـوا بنـات البـدو عنـد رجليـه
وخيـرونـي لأخـتـرت عـالـي سـنــاه
ولـو صفـوا بنـات الحـضـر حولـيـه
وخيـرونـي لأخـتـرت تقـبـيـل ثـــراه
وإن جـابـوا بـنـات الــروس عنـديـه
ومعهـن بنـات الدنـيـا لتمنـيـت لـمـاه
قالـوا ماهـو بشـر مـن تغزلـت فـيـه
فهـل هـو مـن الـحـور الـلـي نتمـنـاه
قلت هو من أبيع له روحي وأشريه
وفاز فوز مـا بعـده فـوز مـن شـراه
أبــيــع لـعـيـونـه سـلـيـمـان ولــديـــه
وحمـد غالـي مـا يغلـى علـى غــلاه
هــو كالشـفـوق الـلـي ولـدهـا تهلـيـه
يحن حنيـن شفقـان لكـل مـن نصـاه
هــو الأقـصـى الـلـي بـدمـي أفـديــه
أنسـى روحـي وربعـي ومــا أنـسـاه
بـدي أكـون نشمـي أعــادي أعـاديـه
وأضـرب ببـارود العـزة مـن عــداه
بدي أفزع من فـه هبـة ريـح تنخيـه
للجهـاد ويـا سعـد وسعـود مـن لـبـاه
بـدي مـا تفـرق بيـن ترابـه ولحميـه
وأشـرف الجسـد البالـي بعبـق ثـراه
وأنـا ابـن جـرمـي الـمـوت أخـاويـه
وحــس بـلادنـا دايــم عـالـي صــداه
غـــزة والـقــرارة والخـلـيـل عـالـيـه
والـخـان والـجـورة لـجـبـل الـمـنـداه
السـبـع يـــا مـحـلاهـا بـــلاد جـديــه
شـبـع مــن نسايمـهـا وأنــا أتـرجــاه
بـلاد شـهـدت مراجلـنـا وخــذ منـيـه
قص رجاجيـل قصهـم صعـب تلقـاه
قالـوا وينـك الحـق ضاعـت معانـيـه
والبـلاد ونــت مــن الخـسـي مـربـاه
قـلـت بـلادنـا والـديـن مــن يحـمـيـه
بـدنـا رجــال فـزاعـة تحـمـي حـمـاه
بقلم
بدرالدين بن جرمي الترباني
1/1/2009
========
قالت
قـالـت البـارحـة سـويـت شقتـيـن
والـيـوم ودنـــا تـكـمـل الـعـمـاره
قـلـت الشـقـة عـمـادهـا حـرفـيـن
وقيـمـة الـحـرف بـحـرف جــاره
ويـا بنـت سـاس الدنيـا زوجـيـن
وكلمة مـع كلمـة تكتمـل العبـاره
والعقل تـاج علـى الـراس يزيـن
وراعـي العقـل مـا يعبـد أفـكـاره
والبارحة انجرحت منك جرحين
وقلـت كـود القلـب يغيـر مسـاره
لـكـن الـغـلا فــي القـلـب مـكـيـن
والـذهـب مــا تـغـيـره الـحــرارة
والجـروح طابـت بهمـس العـيـن
وما ودنا منك عذر ولو بأشـاره
أنـتـي أخـتــي مـــن أدم والـديــن
ومن كثر غلاه نصبر على ناره
وصـلـي عـلـى خـيـر المرسلـيـن
عـدد كــل ذرة فــي دنـيـا دواره
بقلم
بدرالدين بن جرمي الترباني
29/6/2009
========
هرج القفا
يا هرج القفا ويش جابــــــــــك *** هقيت أنا سهامك ما تصـــيب
قلت الحر ما يقف على بابـــــك *** ويفر من رفاقة العذاريـــــــب
خاسي بخسته حضرك وجابــك *** وقرطك في مسراح الذيــــــب
يا قلب الوفا حنا أحبابـــــــــــك *** أنت سبع وعدوينك أرانيـــــب
آكالين لحوم في غيابــــــــــــك *** وفي حضورك أنت سبع وذيب
في حضورك ترد حق أصحابك *** عندك هرج القفا ما له نصيـب
أنت شمس وهم ســـــــــــرابك *** وعين الردي تكره الحسيـــــب
سعدها بشوفة ونة عـــــــذابك *** قهرها بشوفك شمس ما تغيب
أوصيك كشر عن أنيابــــــــــك *** تردع اللي ما يعرف العيــــــب
الحق بين وأنت لك أسبابـــــك *** والحقوق راعيها ما يخيــــــب
وصلي على أفضل أحبابــــــك *** عدد كل ذرة وشمة الطيـــــــب
بقلم
بدرالدين بن جرمي الترباني
تمت في يوم 4/1/2010
====================
يا قلب
يا قلب يا اللي بالشوق انكويت
وين الحب اللي نصبر على ناره
قال لا تعتب فبالحب اصتليت
وما شعر بي حتى اللي أنا جاره
يا ابن جرمي في بحر الهوى هويت
ولو كان بالعقل لعشقت الجاره
وإن كان حبي لبنت لبعت وما شريت
وإن ما صبرت فلكل حب أنصاره
والبارحة من شدة الحزن ونيت
على عرب ماتت عندهم الحراره
وإن كان فك او في هبة ريح لفزيت
وبسلاحك اجرت طالب الإجاره
كنا رجال نشامه زايعين الصيت
بالدين والدين سوى إلنا حضاره
واليوم يا راعي الدين تخفيت
والإسلام صار غريب في داره
الدم بحر الدمع مطر هدا ما لقيت
بعد ما سقونا ذل بكاسات المراره
قلت يا قلب انا على الجود ترابيت
وما يخزل طنيب إلا رجال خواره
الاشراف ربعي ومن عقبهم جيت
والفزعة من كبد قايده ناره
ما عرفت الجفيلة مهما لاقيت
ومالي صبر على الضيم والخساره
ويشهد على يوم صعيب فيه جافيت
وخليت لعدوي ليل شرات نهاره
أريد الموت وإن جاني لبشيت
بشهادة تكون على راسي شاره
صن لي الجهاد عليه عمار البيت
وفلسطين للعرب علم فوق مناره
يا رعيان العرب أنا إلكم تعنيت
فافزعوا وفزعوا بفزعة كراره
والموت لا مفر منه مهما سويت
واحذر حذر من الدنيا فهي دواره
فلسطين منصوره برب البيت
وبرجال نصروه بارواح نواره
اجعلنا منهم يا رب وإلك دعيت
واكتب لي صلاه بالأقصى وزياره
بقلم
بدرالدين بن جرمي الترباني
================
نشتاق لغلاك
ياللي شوفه يكحل العيـــــون *** بوجودك حنا نشتاق لغـــــلاك
الأهل والربع ما يـــــــدرون *** إنك سبيت القلب بعينـــــــــاك
قلبي في قلبك صار مسجـون *** بانشدك كيف نقدر ننســــــــاك
أحبك قلتها وقالوا مجنـــــون *** وأنا أعشق الجنون في هــواك
أحبك أنا لو قلتها للـــــــكون *** طعمها طعم ثاني في حـــــداك
أتعذب عذاب والعذاب يهـون *** إن كان في حبك الروح فــداك
ياللي شوفه يكحل العـــــيون *** بوجودك أنا أشتاق لغــــــلاك
بقلم
بدرالدين بن جرمي الترباني
في يوم 20/11/2008
===============
ليش تبكين ؟
يا عين الغلا ليش تبكيــــــــن؟ *** دموعك علينا غاليــــــــــــــــات
ليش تضحكي وقلبك حزيـــن؟ *** وتخفي دموع (ن) سايــــــــلات
في الحزن والفرح تضحكيـــن *** وقلبك الرهيف يون ونــــــــــات
بأحزان الناس تتألميــــــــــــن *** فتعطيهم السعد سعـــــــــــــادات
عمري ما شفتك تشتكيــــــــن *** وأشوف عندك الشاكيــــــــــــات
حــــلال حـــــــرام تتحــــــرين *** تراعي ربك بالمعامـــــــــــــلات
هذي خصايل الصالحيــــــــــن *** خصايل ترفع الهامـــــــــــــــات
حنا نشوفك عســجــد ولجيــن *** وبحر وبر وعيون (ن) روينات
بالله كل خير تستاهليـــــــــــن *** فانتي تاج يزين البنــــــــــــــات
شهادة عند رب العالميــــــــن *** بأنك شما فوق النايفـــــــــــــات
واليـــوم ون قلبي الحــزيـــن *** بشوفه عيون(ن) باكيــــــــــات
دمعها بين الجفون سجيــــــن *** فر من سجن وسجان وحراسات
علميني يا عين ليش تبكيـن؟ *** فالعين ما تبكي هايفــــــــــــــات
وما من بشر بجوفه قلبيـــن *** ومشاعرنا ما لها خيــــــــــارات
قلبك يا بنت وده يستكيــــــــن *** ويرتاح من كل الطلبـــــــــــــات
الدنيا ما تسوى دمعة عيـــــن *** وانتي إلك دموع (ن) فايـــــرات
إن كانت دموعك هذي للديــن *** وتقصير في حق رب السمــوات
ألجم لساني من اللحيـــــــــــن *** فعلومك علوم (ن) صايبـــــــات
الواجب في الحق تهجـــريـــن *** كل ما هو دون العاليــــــــــــات
وحقي أعرف ليش تبكيـــــن؟ *** الله وكيــــــــــــــلك دزي اجابات
وأختم بصلاة على الأميـــــــن *** مقدار ما بين أرض وسمــــوات
بقلم
بدرالدين بن جرمي الترباني
30/6/2009
====================
الظــــــــروف
يا قلب ونيت ونات وللدهر صروف
ونيت عقب عشق للبنت النايــــفـه
يا قلب أشقاق انتظار الظـــــــروف
يوم يطرد يوم والشهور طايفــــــه
صرت بين نارين وحبيبي معسوف
وأيامي من فراق الحبيب خايفـــــه
البين صار بينه وبيني موصــــوف
فقام ولملم جيشه وجمهر حلايفـــه
ذبحني ذبـــح بمزاريــق وسيـــوف
والمـــوت تمنيته ومــاني عايفــــه
كل المخاليــــق في الدنيا ضيـــوف
والقـــدر والنصيب ما فيه حايفــــه
والقـــدر والنصيب ما فيه حايفــــه
وما يظل منا الا اسمــــاء وحـروف
وتاريخ الردي والـزين وصـــايفـــه
أدعوك يا رب اصنع لي معـــــروف
واجعلني في الجنـــة من ردايفـــــه
بقلم
بدرالدين بن جرمي الترباني
في يوم الجمعة
الموافق 2/5/2014
==============
صح السانــــــكــــ
ردحذفاخى بدر الدين بن جرمى
عــــــلـــــــــيـــت
اخــوكـ احمد ابوغالية التربانى
صح بدنك يا ابو غالية يالغالي
ردحذفصح لسانك الشيخ بدرالدين بن جرمى
ردحذف